2024-cü ilin yekunlarına əsasən, Belarus və Azərbaycan arasında qarşılıqlı ticarət dövriyyəsinin həcmi 600 milyon ABŞ dolları təşkil edib. Son beş il ərzində iki ölkə arasında ticarət dövriyyəsi 30%-dən çox artıb.
Bu barədə Belarus Respublikasının iqtisadiyyat nazirinin müavini Alesya Abramenko Bakıda keçirilən “Avrasiya iqtisadi inteqrasiyasında biznes üçün üstünlüklər” mövzusunda beynəlxalq dairəvi masada çıxışı zamanı məlumat verib.
Nazir müavininin sözlərinə görə, Azərbaycan Belarusun MDB ölkələri ilə ticarət strukturunda dördüncü yer tutur. O bildirib ki, bu göstəricilər iki ölkə arasında səmərəli əməkdaşlıq mexanizminin formalaşdığını təsdiqləyir.