“Gənclərin məşğulluğunun bərpası hələ də ləngiyir, Covid-19 pandemiyası digər yaş qrupları ilə müqayisədə gənc nəsli daha çox zədələyib”.
BBN.az xəbər verir ki, bu haqda Beynəlxalq Əmək Təşkilatının – International Labour Organization yeni hesabatında deyilib.
Pandemiyanın başlanğıcından, yəni 2020-ci ilin əvvəlindən 15-24 yaş qruplarında olan gənclər yetkin şəxslər ilə müqayisədə daha çox itki ilə üzləşiblər. 2022-ci ildə işsiz gənclərin sayının 73 milyon nəfərə çatacağı gözlənilir, bu isə 2021-ci ildəki rəqəmdən cüzi şəkildə azdır, 2021-ci ildə 75 milyon. Hesabatda deyilib ki, yenə də bu pandemiyadan öncəki rəqəmlərdən 6 milyon nəfər çoxdur.
Gənc qadınların vəziyyəti isə kişilər ilə müqayisədə ən pisdir və onlar daha aşağı məşğulluq-əhali nisbəti (EPR) göstəriblər. Hesabata, əsasən 2022-ci ildə qlobal səviyyədə 27.4% gənc qadınların, 40.3% isə kişilərin işlə təmin olunacağını proqnozlaşdırır. Bu isə o deməkdir ki, gənc kişilərin işə qəbulu, gənc qadınlar ilə müqayisədə 1.5 dəfə daha çoxdur. Gender fərqi, son iki onillik ərzində cüzi yaxınlaşma əldə edib, aşağı-orta gəlirliliyi olan ölkələrdə 17.3% bənd ilə ən böyük, yüksək gəlirliliyi olan ölkələrdə isə daha az 2.3%-dir. Avropa və Mərkəzi Asiyada gənclərin işsizlik səviyyəsinin 2022-ci ildə gözlənilən dünya üzrə orta göstəricidən 1.5% daha çox olacaq, müvafiq olaraq 16.4% və 14.9%. Gənc insanların işsizlik dərəcəsinin 2022-ci ildə Asiya və Sakit okean regionunda 14.9%-ə çatacaq, qlobal ortalama ilə eynidir, baxmayaraq ki, subregionlar və ölkələr arasında əhəmiyyətli fərqlər var. Analitiklər təxmin edirlər ki yeni araşdırmalar nəticəsində 2030-cu ilə qədər qlobal səviyyədə 24 milyon iş yeri açıla bilər ki, bunun da 6.4 milyonu gənclərin payına düşə bilər.