Aşağı faiz tendensiyası hökumətlər və irihəcmli korporasiyaların maliyyə vəsaitlərinə çıxışını asanlaşdırıb və hər il daha çox qurumları cəlb edib. Bunun nəticəsidir ki, 2019-cu ilin üçüncü rübündə beynəlxalq borc həcmi 253 trilyon dollara yaxınlaşır. Bu barədə, Beynəlxalq Maliyyə İnstitutunun (IIF) son hesabatında qeyd olunub.
Hesabata görə, məcmu beynəlxalq borc ikinci rübün sonunda 250.9 trilyon dollardan 253 trilyon dollar səviyyəsinə qalxaraq rekord qırıb. Qeyd edək ki, bu göstərici ümumi beynəlxalq istehsal həcminin 322%-inə bərabərdir. Hesabatda həmçinin, 2020-ci ilin ilk rübündə beynəlxalq borc həcminin 257 trilyon dolları ötəcəyi proqnozlaşdırılıb. Ən böyük məcmu borc yükü isə Çin Xalq Respublikasına məxsusdur. Belə ki, Çinin cari borcu ÜDM-in 310%-i həcmindədir.