“Beynəlxalq ticarət” işçi qrupu Türk Dövlətləri Təşkilatı tərəfindən Azərbaycandan aidiyyəti qurum kimi müəyyən edilib

Qeyd edək ki, Azərbaycanın üzv olduğu Türk Dövlətləri Təşkilatının (TDT) 2022-ci il 11 noyabr tarixli 9-cu Zirvə Görüşündə Dövlət Başçıları Şurasının qərarı ilə TDT-yə üzv dövlətlərin Ticarətin Asanlaşdırılması üzrə Strategiya Sənədi qəbul edilib. Sözügedən Strategiya sənədi ilə əlaqədar daxildə koordinasiya və icranı təmin etmək məqsədilə hər bir üzv dövlətdə ticarətin asanlaşdırılması üzrə milli komitənin yaradılması və ya mövcud mexanizmin bu məqsədlə istifadə edilməsi qərara alınıb.

Bunları nəzərə alaraq, İqtisadiyyat Nazirliyi tərəfindən Azərbaycan Respublikasının Baş nazirinin adına müvafiq məktub ünvanlanıb və Nazirlər Kabinetinin qərarına əsasən, “Beynəlxalq ticarət” işçi qrupu TDT-nin Ticarətin Asanlaşdırılması Strategiya sənədi ilə bağlı Azərbaycandan əlaqələndirici qurum kimi müəyyən edilib.