Bu ilin birinci yarısında Birləşmiş Krallığın Azərbaycan iqtisadiyyatına birbaşa investisiya qoyuluşu 913 milyon 293 min dollara bərabər olub.
BBN.az Azərbaycan Mərkəzi Bankına istinadən xəbər verir ki, bu, 2023-cü ilin eyni dövrü ilə müqayisədə 1.9% və ya 16 milyon 816 min dollar artıb.
Hesabat dövründə Birləşmiş Krallıq Azərbaycana ən çox investisiya yatıran ölkə olub.
Qeyd edək ki, ötən ilin yanvar-iyun aylarında bu ölkənin Azərbaycan iqtisadiyyatına investisiya qoyuluşu 896 milyon 477 min dollar təşkil edirdi.
