Mayın 21-də kriptovalyuta bazarlarında qiymət artımları müşahidə olunub. Bakı vaxtı ilə saat 10:10-da aparıcı kriptovalyuta platformalarından biri olan “CoinMarketCap” məlumatına əsasən, Bitcoin 1.33% bahalaşaraq 107 411 ABŞ dolları səviyyəsinə yüksəlib.
BBN.az xəbər verir ki,artım yalnız Bitcoin-lə məhdudlaşmayıb. Ethereum da son 24 saat ərzində 1.55% dəyər qazanaraq 2 589 ABŞ dollarına çatıb. İlk beşlikdə yer alan digər əsas kriptovalyutalardan XRP 0.35%, BNB isə 1.54% bahalaşıb.
Qeyd edək ki, Bitcoin tarixində ən yüksək qiymət göstəricisi ötən ilin dekabrın 16-da qeydə alınıb və həmin vaxt bu rəqəm 108 min ABŞ dollarını keçmişdi.