Aprelin 2-də kriptovalyuta birjalarında “Bitcoin”in qiyməti artıb.
BBN.az xəbər verir ki, dünyanın ən bahalı kriptovalyutası Bakı vaxtı ilə saat 9:40-da “CoinMarketCap” platformasında 1.31% bahalaşaraq 84 294 ABŞ dolları təşkil edib.
Son bir gündə “Ethereum”un qiymətində də artım müşahidə edilib. Sözügedən kriptovalyutanın dəyəri 0.81% artaraq 1860 ABŞ dollarına bərabər olub. İlk beşlikdə olan XRP son sutkada 1.55%, BNB isə 1.96% ucuzlaşıb.
Qeyd edək ki, “Bitkoin”in ən yüksək qiyməti ötən il dekabrın 16-da qeydə alınıb və qiyməti 108 min dolları ötüb.