Bitkilərin sığortası üçün müraciətlərin tarixləri açıqlandı

Azərbaycanda dövlət dəstəyi ilə tətbiq edilən aqrar sığorta mexanizmi vasitəsilə kənd təsərrüfatı bitkilərinin və heyvanlarının sığortası başlanılıb.

Xatırladaq ki, aqrar sığorta vasitəsilə 14 növ bitkini və məhsullarını sığorta etmək mümkündür. Bunlar buğda, arpa, qarğıdalı, çəltik, kartof, şəkər çuğunduru, üzüm, limon, narıngi, portağal, çay, fındıq, pambıq və tütündür.

Aqrar Sığorta Fondu (ASF) kənd təsərrüfatı bitkilərinin sığortası üçün müraciətlərin tarixlərini açıqlayıb.

Fondun məlumatına görə, fermerlər və əkin sahələrinin sahibləri 2021-ci ildə bitkilərin sığortalanması üçün müraciətlərə başlaya bilərlər.

Fond tərəfindən ayrı-ayrı bitki məhsulları üzrə fenoloji müddətləri nəzərə alınmaqla sığorta müraciətlərinin başa çatma tarixləri də müəyyən edilib.

Kartof bitkisinin və kənd təsərrüfatı heyvanlarının sığortası üçün isə ilin istənilən vaxtında müraciət etmək olar.

MəhsullarMüraciət üçün son tarix
Şəkər çuğunduru05.03.2021
Üzüm15.03.2021
Çay30.03.2021
Limon10.04.2021
Narıngi10.04.2021
Portağal10.04.2021
Yazlıq taxıl15.04.2021
Pambıq20.04.2021
Tütün30.04.2021
Çəltik05.05.2021
Fındıq10.05.2021
Qarğıdalı07.06.2021
Payızlıq taxıl01.11.2021
Kartofİl boyu
K/t heyvanlarıİl boyu

© Materiallardan istifadə edərkən hiperlinklə istinad olunmalıdır