Bitkoin ilk dəfə cümə axşamı günü 100.000 dolları ötüb.
BBN.az xəbər verir ki, bitkoin kriptovalyutasının qiyməti ABŞ-ın yeni seçilmiş prezidenti Donald Trampın kriptovalyutalara mülayim tənzimləmələr tətbiq edəcəyinə dair optimizmlə ilk dəfə olaraq 100 min dolları üstələyib.
“Coinmarketcap”in məlumatlarına görə, bitkoin də daxil olmaqla qlobal kriptovalyuta bazarının dəyəri 24 saat ərzində təxminən 2,8 faiz artaraq 3 trilyon 600 milyard dolları keçib.
Ən böyük kriptovalyuta olan bitkoinin qiyməti son 24 saatda 6 faizdən çox artaraq tarixdə ilk dəfə 100 min dollardan bahalaşıb. Bakı vaxtı ilə 6:36 radələrində 101 min 447 dollardan ticarət edilən bitkoinin həftəlik dəyər qazancı 5,36 faizə yüksəlib.