Azərbaycan Kibertəhlükəsizlik Təşkilatları Assosiasiyasının təşkilatçılığı, Azərbaycan Mikromaliyyə Assosiasiyasının (AMFA) tərəfdaşlığı və AKTA üzvü olan “Code Academy”-nin təşkilati dəstəyi ilə bank olmayan kredit təşkilatları və mikromaliyyə təşkilatlarının nümayəndələri üçün kibertəhlükəsizlik mövzusunda geniş seminar keçirilib.
İlk öncə AKTA-nın icraçı direktoru Rauf Cabarov və AMFA-nın icraçı direktoru Jalə Hacıyeva seminarı giriş nitqləri ilə açıblar. Daha sonra seminarda “Code Academy”-nin təlimçisi və kibertəhlükəsizlik üzrə təhsil proqramının rəhbəri Nəriman Əliyev fərqli kibertəhlükəsizlik mövzularında çıxış edib, maraqlı nümunələr üzərindən kibertəhdidləri izah edib. Seminar iştirakçılar və məruzəçilər arasında qarşılıqlı müzakirə formatında keçib.
Qeyd edək ki, AKTA-nın təşkilatçılığı ilə müxtəlif sektorlarda kibertəhlükəsizlik üzrə maarifləndirmənin yüksəldilməsi və rəqəmsal inkişaf dövründə yaranan kibertəhdidlər barədə özəl sektor və ictimaiətin məlumatlandırılması məqsədilə silsilə seminarların davam etdirilməsi nəzərdə tutulub.