Böyük Britaniya ticarət əlaqələrini inkişaf etdirmək üçün dünyanın kasıb ölkələrindən yüzlərlə məhsul üçün idxal vergisini azaldacaq.
BBN.az BBC.com-a istinadən xəbər verir ki, 65 İnkişaf Etməkdə Olan (İEO) ölkələri əhatə edəcək yeni layihə ilə Böyük Britaniyada geniş istehsal olunmayan geyim, ayaqqabı, ərzaq istehsalçıları aşağı və 0 tarifdən faydalana biləcək.
Bundan əlavə, hazırda İEO-dən gələn minlərlə məhsullara görə Böyük Britaniya idxal vergisini 0 tarif ilə hesablayır, ancaq yeni qaydalar artıq Afrikadan gələcək məhsulların 99%-nə şamil ediləcək.
Beynəlxalq Ticarət Departamenti bu işin Böyük Britaniya tərəfindən ticarətdən “rifahı artırmaq və yoxsulluğun aradan qaldırılmasına kömək etmək” üçün istifadə etmək, habelə İEO ölkələrin yardımdan asılılığı azaltmaq üçün daha geniş təkanların bir hissəsi olduğunu söyləyib.
Beynəlxalq Ticarət Katibi Anne-Mari Trevelyan deyib: “Müstəqil ticarət ölkəsi olaraq biz ticarət siyasətimizə nəzarəti geri alırıq və Böyük Britaniyanın bizneslərini dəstəkləyən, yaşayış xərclərinə kömək edən və dünyanın inkişaf etməkdə olan ölkələrinin iqtisadiyyatlarını dəstəkləyən qərarlar qəbul edirik”.