Böyük Britaniya ABŞ, “Silicon Valley” (yüksək texnologiyaların və innovasiyaların mərkəzi-red.) ilə rəqabət aparmaq üçün özünün fintex fondunu yaradıb.
BBN.az CNBC Business-ə istinadən xəbər verir ki, ölkə fondun büdcəsini isə 1 milyard funt sterlinqə, yaxud 1,27 milyard dollara yüksəldib.
Bildirilir ki, fintex şirkətlərinə investisiya isə 10 milyon funt sterlinq ilə 100 milyon funt sterlinq arasında dəyişəcək. Əlavə edək ki, fond özünün ilk investisiyasını isə ilin sonunda edəcək.
Qeyd edilir ki, fond Böyük Britaniyanın investisiya bankı “Peel Hunt” tərəfindən məsləhət edilib. Fondun arxasında isə “Mastercard”, “Barclays”, “London Stock Exchange Group” dayanır, məqsədi isə istədikləri səviyyəyə çatmaqda və uğur əldə etməkdə problem yaşayan fintex şirkətlərinə dəstək olmaqdır. Fondu təşkil edən şirkətlərin, maliyyələşmə ilə bağlı problem yaşayan fintex şirkətlərinə dəstək olmaqla yanaşı, onların ABŞ, “Silicon Valley”ə axınının qarşısını almaq kimi bir məqsədi də var.