Böyük Britaniyanın ən böyük banklarından olan London mərkəzli “Barclays PLC” ölkədə yeni filialını istifadəyə verib. Sözügedən filialı digərlərindən fərqləndirən əsas cəhət fiziki deyil, rəqəmsal olaraq mövcud olmasıdır. Belə ki, “neobank” konsepsiyası əsasında fəaliyyət göstərən bu banka “Barclays” bankında əvvəllər idarəedici vəzifədə yer alan Jeremy Takle və Ben Harvey rəhbərlik edəcək.
Kredit verilməsi, depozit cəlbi, banklararası tranzaksiyaların həyata keçirilməsi kimi bir sıra bankçılıq xidmətlərini özündə birləşdirən bu tətbiqetmə üçün “Barclays” tərəfindən bankçılıq lisenziyasına müraciət edilib.
Qeyd edək ki, 1896-cı ildə yaradılan “Barclays” bankı Böyük Britaniyanın ən qədim banklarındandır və hal-hazırda bankın bazar kapitalizasiyası 34 milyard dollardan yuxarıdır.