Beynəlxalq Valyuta Fondu (BVF) prezidenti Kristalina Georgiyeva qlobal iqtisadiyyatın çox güclü dayanıqlılıq nümayiş etdirdiyini bəyan edib.
BBN.az xəbər verir ki, CNBC müsahibəsində Georgieva “Biz bu il gözlənilən tənəzzüldən qaça bildik, bir çox ölkədə məşğulluq bazarı və istehlakçı tələbatı güclüdür. Lakin bu bərpa müddəti yavaş və bərabər deyil”, – deyə bildirib.
ABŞ-ın pandemiya şokundan sonra tam düzəlmiş yeganə böyük iqtisadiyyat olduğunu deyən prezident, Avro Bölgəsinin Covid-19-dan əvvəlki dövrdə 2 faizlik artım trendindən geri qaldığını, inkişaf etməkdə olan iqtisadiyyatların da bu tendensiyadan aşağı böyüdüyünü bildirib.