“Cashback-lərin nağdsız ödənişlərə təsiri baxımından ilkin olaraq bir-neçə statistik göstəricini qeyd etmək istəyirəm. 2023-cü ilin I rübünün nəticələrinə baxsaq, ölkədaxilində həyata keçirilən kart əməliyyatlarının həcmi 17.7 milyard manat olub, bunun da 9 milyard manatı məhz nağdsız ödənişlər üzrə olmuşdur. Bu onu deməyə əsas verir ki, ötən dövr ilə müqayisədə kart ödənişlərində nağdsız ödəmənin xüsusi çəkisi 12% artmışdır. Hazırda nağdsız dövriyyənin xüsusi çəkisi 51% təşkil edir”.
Bu haqda bu gün, təşkil edilən mətbuat konfransında BBN.az-ın suallarını cavablandıran zaman Mərkəzi Bankın baş direktoru Fərid Osmanov deyib.
“Cashback-lərin verilməsi faizi məhz bankların öz biznes maraqlarından çıxış edərək həyata keçirilir. Amma Vergilər Məcəlləsi baxımından baxdıqda fiziki şəxslər ilə münasibətdə müqayisədə cashback-lər müvafiq gəlir vergisindən azaddır. Bu bankların biznes maraqlarından və hər-hansı öz ödəniş kart məhsullarını stimullaşdırılması və yeni məhsulların yaradılması fonunda bu keyfiyyət faizləri banklardan banklara dəyişkəndir”.