Dünya bazarında “Azeri Light” markalı Azərbaycan neftinin 1 barelinin qiyməti 0,72 ABŞ dolları, yaxud 0,84% artaraq 86,26 ABŞ dolları təşkil edib. Dünən hərracların nəticələrinə görə, “Brent” markalı neftin iyun fyuçersləri 82,69 ABŞ dollarına satılıb. Azərbaycanın builki dövlət büdcəsində bir barel neftin orta qiyməti 50 ABŞ dollarından hesablanıb.
Qeyd edək ki, dünya bazarlarında xam neftin qiymətinin yüksəlməsinə səbəb isə investorların qlobalda ən böyük neft idxalçı ölkəsi Çinin yanacaq tələbinin artmasına olan optimistik yanaşma ilə bağlıdır.