Çərşənbə axşamı Çinin texnologiya şirkəti Baidu gözləniləndan daha yaxşı maliyyə nəticələri göstərib.
BBN.az CNBC Business-ə istinadən xəbər verir ki, ikinci rübdə gəlirlərində illik əsasda 15% artım müşahidə edilib. Bu isə reklamların inkişafı ilə əlaqəlidir.
Bazar ticarətindən əvvəl Baidu-nun ticarət səhmləri 4%-dən çox artım nümayiş etdirib. Qeyd edilən maliyyə rübündə Refinitiv-in gəlirlər ilə bağlı təxminləri 33.28 milyard yuan yönündə idi, ancaq real gəlirləri isə 34.1 milyard yuan (4.7 milyard dollar) olub. İkinci rübdə Baidu-nun yan bizneslərinə aid olan onlayn marketinq gəlirləri 15% artaraq 19.6 milyard yuana çatıb. Onlayn olmayan marketinq gəlirləri isə 12% artaraq ümumi gəlirlərə 6.8 milyard yuan xeyir verib. Eyni zamanda bildirilir ki, Baidu ChatGPT-nin Çin dilini dəstəkləyən alternativi Ernie bot ilə inkişaf etməkdədir. Bot ictimaiyyətə isə martda təqdim edilib.