11 sentyabr 2020-ci il tarixində Azərbaycan Banklar Assosiasiyası (ABA) nəzdində fəalyyət göstərən “Daxili Audit” Ekspert Qrupunun onlayn görüşü keçirilib.
Tədbir Ekspert Qrupunun sədri Elgün Qurbanovun açılış nitqi ilə başlayıb. Daha sonra “Yapı Kredi Bank” Azərbaycanın Daxili audit departamentinin direktoru Bora Önvural və “Azərbaycan Beynəlxalq Bankı” ASC-nin Daxili audit departamenti direktor müavini Fərid Orucovun çıxışı ilə davam edib. İclas zamanı bankda dələduzluq (fraud) risklərinin idarə eduilməsində daxili auditin rolu, daxili audit və daxili nəzarət və bir sıra digər məsələlər ilə bağlı fikir və təcrübə mübadiləsi aparılıb.
Sonda Ekspert Qrupunun sədri Elgün Qurbanov növbəti görüş reqlamentinin müəyyən edilməsi ilə bağlı bağlanış nitqi ilə çıxış edib.
Qeyd edək ki, ABA 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 25 bank və 4 qeyri-bank təşkilatı ABA-nın üzvüdür.