2 noyabr 2020-ci il tarixində Azərbaycan Banklar Assosiasiyası (ABA) nəzdində fəaliyyət göstərən “Daxili Audit” Ekspert Qrupunun onlayn görüşü keçirilib.
Tədbir Ekspert Qrupunun sədri Elgün Qurbanovun açılış nitqi ilə başlayıb. Daha sonra “Ziraat Bank Azerbaycan” ASC-nin Baş Daxili auditoru Cafer Şengül və “Expressbank” ASC-nin Daxili audit departamentinin direktoru Rüfət Nağıyevin çıxışı ilə davam edib. İclas zamanı son hadisələr fonunda illik audit planlamasında diqqət yetiriləcək məsələlərə dair fikir mübadiləsi aparılmışdır.
Sonda Ekspert Qrupunun sədri Elgün Qurbanov növbəti görüş reqlamentinin müəyyən edilməsi ilə bağlı bağlanış nitqi ilə çıxış edib.
Qeyd edək ki, ABA 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 25 bank və 4 qeyri-bank təşkilatı ABA-nın üzvüdür.