![](https://bbn.az/wp-content/uploads/2024/04/570x90-3.jpg")
2020-ci ilin üçüncü rübündə vətəndaş müraciətləri ilə bağlı Energetika Nazirliyinin “Çağrı Mərkəzi” və “Qaynar xətt”i tərəfindən 721 zəng qəbul edilib. Daxil olan zənglərin 457-i enerji təchizatı, 58-i qaz təchizatı, 56-ı elektrik və qaz sayğaclarının quraşdırılması, 2-i mərkəzi istilik sistemi, 107-i isə digər məsələlərlə bağlı olub. Zənglərin 39-nu təşəkkür xarakterli, 2-ni isə Fövqəladə Hallar Nazirliyindən daxil olan qaz sızması və dəm qazı ilə bağlı müraciətlər təşkil edib.
Ümumilikdə bu ilin 9 ayı ərzində Energetika Nazirliyinin “Çağrı Mərkəzi” və “Qaynar xətt”i vasitəsilə 1833 zəng qəbul edilib ki, 2019-cu ilin müvafiq dövrü ilə müqayisədə 51,3 % artım müşahidə olunub. Onlardan 1109-u enerji təchizatı, 155-i qaz təchizatı, 137-i sayğaclaşdırma, 7-i mərkəzi istilik sistemi, 140-ı təşəkkür, 260-ı digər məsələlərlə bağlı olub. Zənglərin 25-ni isə Fövqəladə Hallar Nazirliyindən daxil olan müraciətlər təşkil edib.
Hesabat dövründə daxil olan bütün zənglər çevik şəkildə cavablandırılıb, araşdırma tələb edən müraciətlər operativ şəkildə aidiyyəti üzrə nazirliyin müvafiq struktur bölmələrinə yönləndirilib və müraciət edən şəxslər araşdırmaların nəticələri barədə məlumatlandırılıb.
Xatırladaq ki, xüsusi karantin rejiminin davam etdiyi müddət ərzində vətəndaşlar müraciətlərini (012) 598-16-53/54 telefon nömrələri, (012) 598-16-55 “Qaynar xətti”, “974” “Çağrı mərkəzi”, minenergy@minenergy.gov.az elektron poçt ünvanı, www.minenergy.gov.az internet səhifəsi vasitəsilə Energetika Nazirliyinə ünvanlaya bilərlər.
