Gəlirlilik əyrisi müxtəlif müddətlər üzrə dövlət istiqrazlarının gəlirliliyini göstərir. Bu məlumat istiqraz almaq istəyən investorlara risklərin, gəlir və zərərin qiymətləndirilməsi üçün kömək edir.
Nəyi göstərir?
Normal gəlirlilik əyrisi investorların uzunmüddətli yatırıma üstünlük verdiyini, tərs gəlirlilik əyrisi isə qısamüddətli istiqrazlardan yüksək gəlirlilik gözlədiyini bildirir. Düz gəlirlilik əyrisi isə uzunmüddətli istiqrazların qısamüddətli ilə eyni gəlirliliyə malik olduğu dövrlərdə rast gəlinir.
Əyrinin istiqamətindən və formasından asılı olaraq, investorlar istiqrazın alışı və ya satışı ilə bağlı qərar verə, həmçinin uzunmüddətli və qısamüddətli yatırımlar arasında seçim edə bilərlər. Belə ki, istiqrazların faiz dərəcəsinin enişini gözləyən investorlar, daha yüksək gəlir əldə etmək üçün uzunmüddətli qiymətli kağızlara üstünlük verə bilər.
Qeyd edək ki, 12 dekabr tarixindən etibarən məlumat Azərbaycan Respublikasının Mərkəzi Bankının veb-saytında paylaşılır.