Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Asiya İnkişaf Bankının Dövlət-Özəl Sektor üzrə mütəxəssislər qrupu ilə görüşüb.
Görüşdə dövlət-özəl sektor tərəfdaşlığı sahəsində Asiya İnkişaf Bankı ilə əməkdaşlığa və bu sahədə bankın təcrübəsinin öyrənilməsinə maraq ifadə olunub, Agentliyin Dövlət-Sahibkar Tərəfdaşlığının İnkişafı Mərkəzinin əməkdaşları üçün təlim səfərinin, birgə tədbirlərin təşkilinə dair fikir mübadiləsi aparılıb.