“Dow Jones” Sənaye İndeksi 1200 bəndə yaxın geriləyərək 25766.64 bənddə günü tamamlayıb. “Nasdaq” səhm bazarında da 400 bəndlik azalma müşahidə olunub.
Bu kəskin azalmanın əsas səbəbi kimi koronavirusu (COVID-19) göstərilir. Belə ki, artıq ABŞ sahil bölgələrinə qədər çatan virusun səhm bazarına analitik və investorların təxmin etdiklərindən daha çox zərər vuracağı dəqiqləşir.
Əsas geriləmələr isə texnologiya şirkətlərinin səhmlərində müşahidə olunub. “Facebook” səhm dəyəri 4% azalaraq 189.75 dollarda, “Amazon” isə 4.81% azalaraq 1884.30 dollarda qərarlaşıb. “Apple” və “Microsoft” şirkətlərinin səhmləri isə müvafiq olaraq 6.5% və 7% geriləyərək 273.52 və 158.13 dollar səviyyəsinə eniblər.