Dünya Bankı Azərbaycanın iqtisadi artım proqnozunu yenidən müəyyən edib.
BBN.az xəbər verir ki, bu barədə məlumat bankın “Qlobal İqtisadi Perspektivlər” hesabatının yanvar buraxılışında qeyd olunub.
Dünya Bankının proqnozları oktyabr qiymətləndirmələri ilə müqayisədə dəyişməz qalıb. Hesabata görə, 2024-cü ildə Azərbaycan iqtisadiyyatı 4 % artıb ki, bu da 2023-cü ilin 1,1 %-lik göstəricisindən xeyli yüksəkdir.
İyun proqnozunu ilə müqayisədə Dünya Bankı yanvarda Azərbaycanın 2025- ci il üzrə iqtisadi artım proqnozunu yaxşılaşdıraraq 2,7%-ə yüksəldib.
Bu da əvvəlki proqnozla müqayisədə 0,3 faiz bəndi çoxdur. Bankın analitikləri 2026-cı ildə isə Azərbaycanda 2,4% iqtisadi artım proqnozlaşdırıb.
2024-cü il üzrə Azərbaycan iqtisadiyyatında artım 4% təşkil edib ki, bu da Dünya Bankının proqnozunu 1,7% bəndi üstələyib.