Mərkəzi Bankın məlumatına görə əhalinin banklardakı əmanətlərinin məbləği il ərzində 15,9% artaraq, 2023-cü il sentyabr ayının 1-nə milli valyuta ekvivalentində 12 milyard 580,1 milyon manat təşkil edib.
Dövlət Statistika Komitəsindən BBN.az-a bildirilib ki, əmanətlərin 63,7%-i milli, 36,3%-i xarici valyutada qoyulub.
Milli valyutada olan əmanətlərin məbləği əvvəlki ilin eyni dövrü ilə müqayisədə 22,4%, xarici valyutada qoyulmuş əmanətlərin məbləği isə 5,8% artıb.
Sentyabr ayında milli valyutanın 1 ABŞ dollarına nisbətdə orta məzənnəsi 1,70 (ilin əvvəlindən 1,70) manata, 1 avroya 1,82 (1,84) manata, 100 türk lirəsinə 6,30 (7,86) manata, 100 rus rubluna 1,76 (2,08) manata bərabər olub.