“Statistika Azərbaycanın inkişafını dəyərləndirmək üçün əsas alət kimi çıxış edir”.
BBN.az xəbər verir ki, bunu Baş nazir Əli Əsədov Bakıda keçirilən III Beynəlxalq Statistika Forumunda söyləyib.
Baş nazir vurğulayıb ki, statistika yalnız iqtisadi göstəricilərlə məhdudlaşmır, həm də cəmiyyətin bütün sahələrinin dünənini, bu gününü və gələcəyini proqnozlaşdırmaq üçün mühüm baza formalaşdırır:
“İnkişafı qiymətləndirmək üçün konkret statistik məlumatlar, rəqəmlər və diaqramlar lazımdır. Azərbaycan hökuməti bu məlumatlardan gündəlik, hətta hər saat istifadə edir.”
Ə.Əsədov əlavə edib ki, rəqəmsal inkişaf, İT texnologiyaları və süni intellektin tətbiqi statistikanı daha dəqiq, çevik və əlçatan edir:
“Bu forumda yeni layihələrin və yanaşmaların müzakirəsi sahənin daha da təkmilləşməsinə mühüm töhfə verəcək.”