Məşhur milyarder Elon Musk sahibi olduğu sosial media platformasında dəyişikliklər ediləcəyini açıqlayıb və tezliklə Twitter markası və loqosu ilə vidalaşacaqlarını açıqlayıb.
Elon Musk, bazar günü sahibi olduğu Twitterdə paylaşım edərək, sosial media platformasının loqosunu dəyişəcəklərini bildib.Musk öz profilində tezliklə Twitter markası və tədricən bütün quş loqoları ilə vidalaşacağımızı qeyd edib.
Musk ikinci paylaşımında əgər bu axşam kifayət qədər yaxşı bir X loqosu buraxılarsa, ertəsi gün onu bütün dünyaya təqdim edəcəklərini əlavə edib
Məşhur milyarder titrəyən “X” loqotipini paylaşdıqdan sonra qatıldığı Twitter Spaces söhbətində loqonun dəyişib-dəyişməyəcəyi sualına “Bəli” cavabını verib və “Bu, çoxdan edilməli idi” deyə bildirib.
Bu ayın əvvəlində Musk Twitter-də müxtəlif hesabların gündə neçə tweet oxuya biləcəyini məhdudlaşdıracağını açıqladı, lakin istifadəçilər və marketinq mütəxəssislərinin geniş tənqidinə məruz qaldı.
Musk’ın müəyyən etdiyi gündəlik limitlər Meta-ya məxsus rəqib platforma olan Threads-in böyüməsinə kömək etdi və işə salındıqdan sonra beş gün ərzində 100 milyon rekordu ötdü.