3 mart 2025-ci il tarixində Azərbaycan Respublikası Ədliyyə Nazirliyinin İcra Xidməti, Azərbaycan Respublikasının Mərkəzi Bankı və Azərbaycan Banklar Assosiasyasının nümayəndələrinin iştirakı ilə onlayn görüş keçirilmişdir.
Görüşdə ipoteka əmlaklarının reallaşdırılması ilə bağlıelektron hərracların keçirilməsi məsələləri müzakirə edilmiş, tərəfləri maraqlandıran suallara aydınlıq gətirilmiş və qarşılıqlı əməkdaşlıqla bağlı fikir mübadiləsi aparılmışdır. İcra xidməti ilə ABA arasında bundan sonra da qarşıya çıxan məsələlərin birgə müzakirəsinin vacibliyi və tərəflərin nümayəndələrindən ibarət İşçi Qrup çərçivəsində davam etdirilməsi qərara alınmışdır.
Qeyd edək ki, Azərbaycan Banklar Assosiasiyası (ABA) 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə dəstək göstərmək və fəaliyyətlərini əlaqələndirməkdən ibarətdir. Hazırda, 22 bank və 2 qeyri-bank kredit təşkilatı, 3 digər təşkilat olmaqla, ümumilikdə 27 təşkilat ABA-nın üzvüdür.