“Expressbank”ın müştəriləri 10% “cash back” qazanacaqlar

Expressbank dəyərli müştəriləri üçün eksklüziv imkanlar təklif edir. Belə ki, ExpressClub layihəsi çərçivəsində tərəfdaşlar sırasına yeni əlavə olunmuş “Şahdağ” Turizm Mərkəzinin qonaqları burada yerləşən bir sıra otel və restoranlarda istirahət zamanı ödənişi Expressbank-ın plastik kartları ilə edərkən 10% “cash back” qazanacaqlar.  Yəni, xərclədikləri vəsaitin 10%-i kartlarına geri qayıdacaq.

“Xərclərinizi gəlirə çevirin” şüarı altında təqdim olunan ExpressClub layihəsi çərçivəsində, Expressbank-ın bütün kart sahibləri ölkədaxili POS-terminallar vasitəsi ilə alış-veriş edərkən, xərclədikləri məbləğin bir hissəsini karta geri alırlar (“cash back”). Müştərilər bu vəsaiti həm nağdlaşdırır, həm də POS-terminallar vasitəsi ilə yenidən alış-veriş etməklə növbəti xərclərini də gəlirə çevirmiş olurlar.

ExpressClub layihəsinin xüsusi üstünlüyü – onun nəinki ExpressClub tərəfdaşlar şəbəkəsinə daxil olan satış nöqtələrində 20%-dək “cash back” qaytarması, hətta bu şəbəkəyə daxil olmayan, POS-terminalla ödəniş mümkün olan istənilən satış nöqtəsində xərclənən vəsaitin 0,3% hissəsinin müştərilərin kartına geri qayıtmasıdır. ExpressClub şəbəkəsinə daxil olan tərəfdaşların siyahısı isə daim yenilənməkdə və artmaqdadır.

 

© Materiallardan istifadə edərkən hiperlinklə istinad olunmalıdır