İkinci Qarabağ müharibəsində əldə olunan qələbədən sonra Azərbaycana qarşı kiberhücumlar sistemli xarakter alıb.
Milli Məclis Aparatının rəhbəri Fərid Hacıyev bunu Critical Infrastructure Defence Challenge 2025 (CIDC-2025) tədbiri çərçivəsində çıxışı zamanı bildirib.
“Bu cür hücumların qarşısını almaq üçün Milli Məclisdə xarici müdaxilələrə və hibrid təhdidlərə qarşı müvəqqəti komissiya yaradılıb”, — deyə o qeyd edib.
Hacıyev əlavə edib ki, Prezidentin təşəbbüsü ilə qanunvericiliyə informasiya təhlükəsizliyi ilə bağlı yeni anlayışlar əlavə olunub.
Qeyd edək ki, son illər kritik infrastruktur və dövlət qurumlarına qarşı kiberhücumların intensivləşməsi kibermüdafiə tədbirlərinin strateji əhəmiyyətini daha da artırıb.
Mənbə: apa.az