Kaliforniya mərkəzli qlobal sosial media şəbəkəsi “Facebook” son dövrdə gündəmi zəbt edən koronavirusla bağlı yeni qərar qəbul edib.
“Facebook” rəsmisi xarici mətbuata açıqlamasında bildirib ki, bundan sonra sosial şəbəkədə koronavirusla bağlı reklamların, xüsusilə də, ağardıcı, üz maskaları və s. kimi “zəmanətli” saxta müalicə vasitələrinin satışı ilə bağlı reklamların paylaşılması qadağan ediləcək.
Əsas səbəb kimi, bu reklam edilən vasitələrin koronavirusu müalicə etmək xüsusiyyətinin olmaması göstərilib və bu saxtakarlıq kimi dəyərləndirilib. Bununla yanaşı, sosial mediyada son günlərdə sıx şəkildə koronavirusla bağlı reklamlara rast gəlinməsi insanları təşvişə sala bilər.
Sözügedən məhdudiyyətlərin “Instagram” sosial şəbəkəsində də tətbiq edilməsi gözlənilir.