ABŞ Federal Ehtiyat Sisteminin (Fed) İdarə Heyətinin üzvü Kristofer Valler bildirib ki, ABŞ şirkətləri arasında ixtisar planları ilə bağlı narahatlıq artır və bu, dekabr iclasında faiz endiriminə gedilməsi üçün əsasları gücləndirir.
BBN.az Reuters-a istinadən xəbər verir ki, Valler London çıxışında şirkətlərin tələbin zəifləməsinə hazırlaşdıqlarını və süni intellektdən əldə ediləcək məhsuldarlıq artımı fonunda əlavə işçi qüvvəsinə ehtiyacın azala biləcəyini vurğulayıb.
Valler həmçinin qeyd edib ki:
Tariflər nəzərə alınmadan inflyasiya Fed-in hədəfinə yaxınlaşır;
Fed daxilində faiz endirimi ilə bağlı fikir ayrılığı mövcuddur və bu, bazar gözləntilərinə təsir edir;
Əmək bazarındakı risklər monetar siyasətin daha yumşaq olmasını tələb edə bilər.
Mərkəzi bankın daxilində “şahin” və “göyərçin” mövqelərin qarşıdurması dekabr qərarı üzərində ciddi təsir göstərir.