ABŞ Mərkəzi Bankı (FED) uçot faiz dərəcəsini son 22 ilin ən yüksək səviyyəsinə çatdırıb.
BBN.az NBC News TV-yə istinadən xəbər verir ki, söhbət 0.25%-lik artımdan gedir və hazırda ölkənin uçot faiz dərəcəsi 5.25 və 5.5 arasında dəyişir.
Ekspertlər isə bildirirlər ki, yeni faiz artımı müştərilər, bizneslərə, ümumiyyətlə hər kəsə təsir edəcək. Bildirilir ki, yeni faiz artımı 2022-ci ilin martından bəri artıq 11-cidir. Bu ardıcıl qərarlar nəticəsində ölkədə inflyasiya 9.1%-dən 3%-ə enib. Ancaq FED-in hədəfi isə inflyasiyanı 2%-də saxlamaqdır. Ona görə də sentyabrda yeni bir artımın olacağı gözlənilir.