“Shopping festivalı – 2018” ilə əlaqədar banklar gücləndirilmiş rejimə keçəcək

1 may – 31 may 2018-ci il tarixlərində keçiriləcək ticarət festivalı (“shopping festival”) ilə əlaqədar banklar gücləndirilmiş iş rejimində fəaliyyət göstərəcək.

BBN.az xəbər verir ki, növbəti dəfə keçiriləcək Bakı Ticarət Festivalı (“shopping festival”) ilə əlaqədar olaraq Azərbaycan Respublikasının Maliyyə Bazarlarına Nəzarət Palatasının (MBNP) tövsiyəsi ilə may ayının 1-dən 31-nə qədər 23 bankın 48-dən çox filial və şöbəsi gücləndirilmiş iş rejimində fəaliyyət göstərəcək.

Festival dövründə ölkə vətəndaşları və turistlərin valyuta mübadiləsi xidmətlərindən rahat və fasiləsiz yararlana bilmələri üçün bankların 7 filial və şöbəsi həftənin bütün günləri 24 saat, digər filial və şöbələr isə şənbə və bazar günləri də daxil olmaqla gücləndirilmiş iş rejimində xidmət göstərəcək.

Festivalla əlaqədar olaraq MBNP-nin işçi heyətindən ibarət xüsusi monitorinq qrupu fəaliyyət göstərir. Yarana biləcək hər hansı bir sualla bağlı ölkə vətəndaşları və turistlər MBNP-nin əməkdaşına müraciət edə bilərlər.

Siyahı ilə aşağıdakı linkdən tanış ola bilərsiniz:

Festival zamanı valyuta mübadilə əməliyyatlarını gücləndirilmiş iş rejimində həyata keçirən bankların filial və şöbələrinin siyahısı 

© Materiallardan istifadə edərkən hiperlinklə istinad olunmalıdır