Gürcüstanın ən böyük kommersiya banklarından biri olan “Bank of Georgia” beynəlxalq ödəniş texnologiyaları sxeması olan “Mastercard” ilə tərəfdaşlıq çərçivəsində yeni bir layihəyə imza atıb.
Yeni tərəfdaşlıq layihəsi çərçivəsində “Bank of Georgia” öz istifadəçilərinə “Viber” sosial media tətbiqetməsi vasitəsilə pul köçürmələri həyata keçirməyə imkan tanıyacaq. “Viber” hesabının müştərinin plastik kart hesabı ilə inteqrasiyası nəticəsində aktivləşdirilən funksiya vasitəsilə yerli valyutada (Lari) köçürmələrin həyata keçirilməsi mümkünləşəcək.
Qeyd edək ki, hazırda Macarıstan, Rumıniya, Ukrayna və Belarusda sözügedən layihə icra mərhələsindədir və tərəfdaş banklara böyük uğur gətirib.