Gürcüstan Mərkəzi Bankı (NBG) yumşaq pul siyasətini başladıb və uçot dərəcəsini 0.5 bənd azaldaraq 8.5% səviyyəsinə endirib. Bankdan verilən açıqlamada, koronavirus pandemiyası və neft qiymətlərinin azalması fonunda müşahidə edilən iqtisadi qeyri-müəyyənlik dövründə inflyasiya göstəricisinin də artaraq 6.1% civarında qərarlaşması uçot dərəcəsinin azaldılması qərarına təkan verib.
Bununla yanaşı, ölkədə yerli və xarici tələbatın azalmasını əsas gətirərək, NBG Gürcüstanın iqtisadi artımının -4% ətrafında qərarlaşacağını açıqlayıb. İlkin statistikalardan, mart ayında məhsul ixracının 22%, xarici turistlərdən ölkəyə daxil olan valyuta həcminin isə 70% azaldığını müşahidə etmək olar. Ölkəyə daxil olan pul baratlarının həcmində də 9%-lik geriləmə qeydə alınıb.