Harvard Universitetinin Beynəlxalq İnkişaf Mərkəzinin nümayəndələri ilə ölkəmizdə fəaliyyət göstərən sənaye zonalarında birgə təqdqiqatların aparılması imkanları müzakirə edilib.
İqtisadiyyat Nazirliyi ilə ABŞ-nın Harvard Univeristeti arasında imzalanmış müqavilə çərçivəsində ölkəmizdə səfərdə olan Harvard Universitetinin Beynəlxalq İnkişaf Mərkəzinin (GROWTH LAB) nümayəndələri ilə oktyabrın 6-da Sumqayıt Kimya Sənaye Parkında görüş keçirilib.
İqtisadi Zonaların İnkişafı Agentliyinin (İZİA) İdarə Heyətinin sədri Elşad Nuriyev qonaqlara ölkəmizdə fəaliyyət göstərən sənaye zonaları və aqroparklar, burada sahibkarlar üçün mövud əlverişli investisiya imkanları barədə məlumat verib, İZİA-nın təqdimatı keçirilib.
Görüş çərçivəsində İqtisadi Zonaların İnkişafı Agentliyinin Peşə Təhsil Mərkəzi ilə mümkün əməkdaşlıq imkanlarının qurulması, sənaye sahəsində birgə fundamental və praktik əhəmiyyətli tədqiqatların aparılması barədə müzakirələr aparılıb.
Sonda qonaqlar Sumqayıt Kimya Sənaye Parkında görülmüş işlərlə, Sənaye Parkının rezidenti “Azerfloat” QSC-nin vərəqə şüşə istehsalı müəssisəsinin fəaliyyəti ilə tanış olublar.