“Çinin elektronika məhsullar istehsalçısı Huawei-in xalis gəliri iki ardıcıl ildə kəskin enib. Söhbət 2021-ci ildə 13%, 2022-ci ildə isə 37%-dən gedir. ABŞ-ın sanksiyalarının təsirləri isə aydın görünür və ümumi mənfəət isə 2022-ci ildə 2018-ci ildəki 48%-dən 33%-ə enib. Maliyyə nəticələrinin pisləşməsindən dolayı şirkət 2020-ci ilin noyabrında özünün Honor brendini satıb”.
BBN.az xəbər verir ki, bu haqda Natixis-də aparıcı iqtisadçı çalışan Gary Ng özünün LinkedIn platformasında yazıb.
“Lakin hələ də Huawei itki yaşamır və daha çox Çin bazarından asılıdır. Çin 2018-ci ildə onun ümumi mənfəətinin 52%-ni təşkil edib və 2022-ci ildə isə bu rəqəm 63%-ə çatıb. Lakin bu hələ də qeyri-müəyyəndir ki, Çin okeanın o tayındakı bazarı tamamilə əvəzləyəcək ya yox. Burada həmçinin təchizat problemləri də yarana bilər”, – deyə aparıcı iqtisadçı yazıb.
Qeyd edək ki, əvvəldə bildirdiyimiz kimi martın 31-də Huawei-in illik mətbuat konfransı keçirilib. Konfransda 2022-ci il üzrə şirkətin maliyyə nəticələri və fəaliyyəti ilə bağlı məlumat ictimaiyyətə açıqlanıb.