Bir zamanların milyard dollarlıq kripto dəyişdirmə şirkəti FTX-in CEO-su Bankman-Fried-ın fırıldaqçılıq ittihamları ilə əlaqədar məhkəməsi ilk dəfə tutulduqdan 10 ay sonra başlayıb.
BBN.az NBC News TV-yə istinadən xəbər verir ki, 31 yaşlı sabiq CEO ötən il öncəyə qədər dünyanın ən böyük və ən məşhur kripto dəyişdirmə şirkətini idarə edirdi.
Bildirilir ki, kripto imperiyasının rəhbəri hesab edilən Sam şirkətdə olan müştərilərin milyardlarla dollar vəsaitlərindən istifadə edərək Bahama adalarında malikanə alıb, siyasi xeyriyyə xərclərinə və bahalı aktyorlara reklam xərclərinə və s. xərcləyib.
Qeyd edək ki, FTX 2022-ci ildə iflas etdiyini elan edib və ekspertlər isə həmin zaman şirkəti kripto imperiyası adlandırırdı.