Böyük Britaniya Statistika İdarəsi (ONS) sentyabr ayına dair inflyasiya məlumatlarını açıqlayıb.
BBN.az xəbər verir ki, hesabat dövründə ölkədə istehlak qiymətləri avqust ayı ilə müqayisədə dəyişməyib. Halbuki “Bloomberg” tərəfindən aparılan sorğuda iqtisadçılar aylıq 0,1% artım gözləyirdilər. Yanvar ayından etibarən ardıcıl qiymət artımları müşahidə olunsa da, sentyabrda bu dinamika dayanıb.
İllik müqayisədə isə istehlak qiymətləri 3,8% artıb, halbuki proqnozlara əsasən bu göstəricinin 4% olacağı gözlənilirdi.
Bununla da, Böyük Britaniyada illik inflyasiya artıq ardıcıl üçüncü ay 3,8% səviyyəsində qalır və bu, fevral 2024-dən bəri ən yüksək göstərici hesab olunur.
Enerji və ərzaq qiymətlərini nəzərə almadan hesablanan əsas inflyasiya isə 3,5%-ə qədər enərək son dörd ayın minimum səviyyəsinə düşüb.