İnnovasiya və Rəqəmsal İnkişaf Agentliyinin fəaliyyəti əsasən qeyri-kommersiya xarakterli olub ölkədə rəqəmsal transformasiya sahəsində fəaliyyətin təşkili, yerli innovasiya mühitinin formalaşdırılması, ekosistemin gücləndirilməsinə xidmət edir. Bu fəaliyyətin həyata keçirilməsi üçün dövlət büdcəsindən vəsait ayrılır, 2022-ci ildə bu məbləğ 6.8 milyon manat olmuşdur.
Agentliyin kommersiya fəaliyyətindən olan gəliri 2022-ci ildə 118 min manat təşkil etmişdir, bu da ötən ilə nisbətdə 25% artım deməkdir. Agentliyin fəaliyyətinin genişlənməsi ilə əlaqədar ümumi xərclərdə də 11% artım müşahidə edilmişdir. 2022-ci ildə Agentliyin xalis pul vəsaitləri 2021-ci illə müqayisədə 3 milyon manata yaxın artaraq 31.4 milyon manat təşkil etmişdir.