Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyində Şərqi Zəngəzur iqtisadi rayonunda fəaliyyət göstərən özəl sektordan olan bir qrup işəgötürənlə görüş keçirilib.
İşəgötürənlərə ilk olaraq Agentliyin fəaliyyəti ilə bağlı məlumat verilib. İşğaldan azad olunan ərazilərimizdə fəaliyyət göstərən işəgötürənlərin kadr ehtiyaclarının qarşılanması istiqamətləri, peşə hazırlığının təşklinin əhəmiyyəti və işğaldan azad olunmuş ərazilərdə hazırda icra olunan digər məşğulluq tədbirləri diqqətə çatdırılıb. Bu tədbirlərin təşkilində işəgötürənlərlə əməkdaşlığa xüsusi önəm verildiyi vurğulanıb.
Görüşdə həmçinin birgə əməkdaşlıq məsələləri müzakirə edilib, işəgötürənlərin sualları cavablandırılıb.