Yaxın Şərqdə gərginliyin artması kriptovalyuta bazarlarına mənfi təsir göstərməkdə davam edir.
BBN.az bu baradə Bloomberg Türkiyə’yə istinadən xəbər verir.
Coinmarketcap analiz şirkətinin məlumatlarına görə, hücum xəbərindən sonra ABŞ dolları bahalaşdığı üçün ən böyük kriptovalyuta olan Bitcoin-in qiyməti Asiya sessiyasında 5,6 faizdən çox azalaraq 59 min 961 dollar olub.
Bu gün 62 min 59 dollardan ticarət edilən bitkoinin həftəlik dəyər itkisi 13 faizə yaxınlaşdı.
Martın 14-də 73 min 750 dollara qədər bütün zamanların ən yüksək həddinə çatan Bitcoin-in qiymətinin azalması təxminən 40 gündə 15 faizi keçib.
Bazar dəyərinə görə ikinci yerdə olan Ethereum-un qiyməti 3 min dollardan aşağı düşüb. GMT saat 08.30-a olan məlumata görə, Ethereum 2997 dollara alınıb.