“İsrailin əksər şirkətləri Rusiya Federasiyasına, xüsusuilə də Moskva şəhərinə investisiya qoymağa maraqlıdırlar.” Bu barədə, Rusiyanın Xarici İşlər Naziri Sergey Lavrov mətbuata açıqlamasında bildirib.
Nazir çıxışında, ölkəyə İsrailli şirkətlər tərəfindən valyuta axınının gəlməsi ilə yanaşı, yerli şirkətlərin də israilli şirkətlərlə tərəfdaşlıq müqavilələrinin sayının artdığını vurğulayıb.
Sergey Lavrov çıxışında bildirib ki, 2020-ci ildə Rusiya və İsrail arasında ticarət həcmi 3.9% azalsa da, 2021-ci ilin birinci yarısında bu göstərici ötən ilin birinci yarısı ilə müqayisədə 51.8% yüksəlmişdir. Bu isə, rekord artım deməkdir.
Nazir həm də post-pandemiya dövründə Rusiya və İsrail arasında turizm əlaqələrinin gücləndirilməsi məqsədilə də addımların atılacağını bildirib.