JP Morgan Chase-in icraçı direktoru, rəhbəri Jamie Dimon bildirib ki, dünya son onilliklər ərzində daha təhlükəli zaman ilə üzləşə bilər.
BBN.az BBC Business nəşrinə istinadən xəbər verir ki, o, investorlara açıqlamasında qeyd edib ki, geo-siyasi qəzəbin artmasından dolayı iqtisadiyyat üzərində risklərdən narahatdır.
Bank rəhbəri əlavə edib ki, Ukrayna və İsrail müharibələri enerji, ərzağın qiymətinin yüksəlməsinə və qlobal ticarətə təsir edə bilər. Dimon Amerikanın ən böyük bankını idarə edir və belə açıqlama isə bankın maliyyə nəticələri elan edildikdən sonra gəlib. Belə ki, bank sentyabra qədər olan 3 ayda 13 milyard dollar gəlir əldə edib və bu isə 2022-ci ilin müvafiq dövrü ilə müqayisədə 35% çoxdur.
Qeyd edək ki, İsrail və Qazza bölgəsində minlərlə insan Fələstin hərbi qrupu Hamas tərəfindən gözlənilməz hücum nəticəsində həlak olub.