JPMorgan Chase-in pessimist proqnozundan sonra, ABŞ prezidenti açıqlama verib

0

“Düşünmürəm ki, iqtisadi tənəzzül ola bilər, əgər olsa bu çox yüngül olacaq. Biz tədricən aşağı düşəcəyik (inflyasiyanı nəzərdə tutur-red.)”.

BBN.az CNBC Business-ə istinadən xəbər verir ki, bu haqda çərşənbə axşamı CNN-də Jake Tapper ilə müsahibəsində ABŞ-ın prezidenti Joe Biden deyib.

“Hər 6 ayda onlar bunu deyirlər. Hər 6 ayda onlar nə baş verdiyi haqqında danışırlar”, – Biden müsahibəsində deyərək, ABŞ-ın ən böyük banklarının sonuncu iqtisadi proqnozlarına istinad edib.

“Ancaq bu hələ də baş vermədi. Baş vermədi”, – deyə prezident əlavə edib. 

Amerikanın beynəlxalq investisiya bankı və maliyyə xidmətləri holdinqi JPMorgan Chase-in CEO-su Jamie Dimon isə bazar ertəsi günü CNBC-də müsahibəsi çərçivəsində bildirmişdi ki, 6-9 ay içərisində iqtisadi tənəzzül ola bilər. 

Dimon xəbərdarlıq edərək əlavə etmişdi ki, 2023-cü ilin ortasında çox, çox ciddi dalğa ola bilər, bu, həm ABŞ, həm də qlobal iqtisadiyyatı iqtisadi tənəzzülə apara bilər.

Böyük bankların belə düşünməsinə səbəb isə Mərkəzi Bankın – FED siyasəti ilə bağlıdır, belə ki, qurum inflyasiyanı aşağı salmaq üçün faiz dərəcələrini aqressiv şəkildə artırmağa davam edir. Sentyabrda ABŞ-ın Mərkəzi Bankı faiz dərəcələrini yüksəltməklə bağlı qərar qəbul etmişdir, hazırda faiz dərəcələri isə 3%-dən 3.25%-ə qədərdir. Noyabrda isə daha bir iclasın olacağı gözlənilir.