Kanadanın Mərkəzi Bankı (Bank of Canada) 2022-ci ildə 7-ci dəfə yüksək inflyasiya ilə mübarizə aparmaq üçün faiz dərəcələrini artırıb.
BBN.az Kanadanın CBC TV proqramına istinadən xəbər verir ki, tənzimləyici faiz dərəcələrini 0.50 artıraraq 4.25-ə çatdırıb. Bu isə 2008-ci ildən bəri ən yüksək artım hesab edilir.
CBC TV-dən deyiblər ki, 2020-ci ildə tənzimləyici tərəfindən verilən açıqlamaya görə uzunmüddətli bir dövrdə faiz dərəcələri aşağı olacaq. Bu açıqlamaya güvənərək bir çox Kanadalı ipoteka kreditləri alıblar. Elə həmin zaman ipoteka kredit faizi 1.92 və sıradan bir Kanadalının ödəyəcəyi məbləğ isə aylıq 1.700 dollar olub. Ancaq son faiz artımlarından, ümumilikdə 5.50% -dən sonra isə bu rəqəm aylıq 2.700 dollara çatıb.
Lakin burada bir ümid isə bankın açıqlaması olub, belə ki, 2023-cü ilin əvvəlindən faiz artımları dayandırıla bilər. Analitiklər isə deyirlər ki, tənzimləyici faiz artımlarının son xəttinə çox yaxındır, ona görə də gözləmək olar.