Bakıda Qırğız Respublikasının Ticarət Evi açılıb.
Bununla bağlı təşkil olunmuş tədbirdə çıxış edən Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov ölkələrimiz arasında inkişaf edən ikitərəfli əlaqələrin biznes sahəsində əməkdaşlıq üçün geniş imkanlar yaratdığını qeyd edib. Vurğulanıb ki, Azərbaycanda Qırğız Respublikasının Ticarət Evinin açılması işgüzar əməkdaşlığın inkişafına töhfə verəcək, ticarətin artmasına müsbət təsir göstərəcəkdir. KOBİA sədri həmçinin, Agentliyin yerli və xarici iş adamlarına göstərdiyi dəstək və xidmətlər barədə məlumat verib.