Kiberhücumlar və “fraud” keysləri uzun müddətdir ki, rəqəmsal ekosistemin tərkib parçası olaraq qalır. Son aylarda ən çox müşahidə edilən “fraud” hallarından biri də sosial şəbəkələrin adlarından istifadə edərək kiberhücum cəhdlərinin həyata keçirilməsidir. Bunun bariz nümunələrindən biri də “Linkedin”dir.
Kibertəhlükəsizlik ekspertləri tərəfindən aparılan araşdırmalara istinadən, “Linkedin” elektron poçtlarını təqlid edərək, “fişinq” cəhdlərinin həyata keçirilməsi halları fevral ayı ərzində 232% artıb.
“Yeni mesajınız var”, “Bu həftə dörd axtarış nəticəsində göründünüz” və s formatda göndərilən saxta elektron maillər göndərilən şəxs tərəfindən açıldığı anda xüsusi veb səhifəyə yönləndirilir və bu veb səhifə vasitəsilə şəxsi məlumatları ələ keçirilir.
Qeyd edək ki, “fişinq” maillərin əksəriyyətində inandırıcı olmağı üçün, “Linkedin” loqosu, eləcə də “American Express”, “CVS Carepoint” kimi beynəlxalq şirkətlərin adları yer alır.