Rusiyanın neft və qaz şirkəti “Lukoil” “Şahdəniz” layihəsindəki payını artırıb. Ötən ilin son rübündə ilkin olaraq açıqlanan investisiya layihəsinin planına əsasən, 2.25 milyard dollarlıq razılaşma ilə 15.5%-lik səhm payını satın almağı planlaşdırılıb. Lakin, layihənin gedişatında plan dəyişdirilib.
Ötən həftə yekunlaşdırılan satınalma tranzaksiyasına əsasən, “Lukoil” şirkəti Malayziya mərkəzli “Petronas” şirkətindən “Şahdəniz” layihəsinin 9.9%-lik payını satın alıb. 1.45 milyard dollar məbləğində dəyərləndirilən tranzaksiya nəticəsində şirkətin sözügedən layihədə payı 20%-ə yüksəlib.
Məlumat üçün qeyd edək ki, Xəzər dənizinin Azərbaycan hissəsində start verilən “Şahdəniz” layihəsində “BP” 30%-lik, “TPAO” və “Lukoil” 20%-lik, “SOCAR” 14.35%-lik, “NICO” 10%-lik və “SGC” 6.67%-lik paya sahibdir.
Rigzone